بسم الله، وماشاء الله
#صوتي_شين_عشتار
#
لما تجي وحده تكلم خطيبها.. او جالسه بجلسه شاعريه مع زوجها.. وتبي تتدلع عليه بالصوت ومع احم احم.. فجاءه يطلع صوت ماكينة ديزل
وتجيني وتشكي صوتي مو زين.. لا حبيبتي مو صوتك اللي موزين انتي اللي موزين
من قال لك ان الرجل يهتم اصلا كيف شكل صوتك؟
هو يهتم بالكلمات اللي تطلع من صوتك
يعني في ناس يحبون أم كلثوم وفيه ناس يحبون فيروز.. ماحنا متهاوشين مين ازين.. انا قاعده ابين لكم اذواق الناس
طيب خوذي هذي المعلومات.. تدرين ان الرجال يدرون انه كلما كان صوت البنت شين كلما دل على اكثر على الزين
طيب تقولين ابي اتدلع مثل اللي البنوتات.. طيب تبين يعني تكونين حليمه! اكيد هونتي اصلا حليمه لازم ترفع سعرها لانها تعتبر علاج لهبوط الضغط.. برضو ماعلينا
الحل عزيزتي.. كوني عفويه بكلامك.. لان هذا يعطيك الراحه بالكلام.. ويعطيك ذكاء في الرد.. عكس لما تنمقين صوتك.. تنتبهين لشكل صوتك بعيد على المضمون
السر : هي في الضحكه.. اضحكي ضحكه هادئة وغمضي عيونك وارفعي راسك فوق وانتي تضحكين بهدوء.. رح تديرين راس اعتى الرجال بهالحركه
ترا الرجال يخاف من الضحكه المفجوعه العاليه.. وتطيح المراه من عينه على طول
#
الخميس، 17 نوفمبر 2016
صوتي شين
الاشتراك في:
تعليقات الرسالة (Atom)
ليست هناك تعليقات:
إرسال تعليق